بزاف ديال الجرائد و الصحف و الجمعيات و المنظمات الإسبانية خرجت كتبكي و تشكي…

0

احصل على تحديثات في الوقت الفعلي مباشرة على جهازك ، اشترك الآن.

كنتكلمو على 3 دلمليون مغربي كيمر سنويا باتجاه المغرب و أغلبهم يمر عبر موانئ إسبانيا الجنوبية ، فور إعلان المغرب على إقصاء الموانئ الإسبانية من عملية مرحبا ، حتى بدأ البكاء و النواح على ما دمروه بأيديهم .
بزاف ديال الجرائد و الصحف و الجمعيات و المنظمات الإسبانية خرجت كتبكي و تشكي .
➖ هاد 3 دالمليون ديال لمغاربة كانو كيقطعو معظم إسبانيا ، كيتقداو المازوط و و الأكل و الشرب و بعضهم كيشري الهدايا الجاهزة قبل مكيدخل للمغرب و حتى فدخولوا للمغرب ، معظم البواخر اللي كتنقلو هو و سيارته ، هي بواخر و سفن إسبانية و بهادشي كيكون ربح إسبانيا كبير و كبير بزاااف و هنا كنتكلمو على آلاف فرص الشغل اللي غيفقدوهم الإسبان .
➖هنا النقابة المركزية الإسبانية خرجت ببلاغ كتطلب فيه المغرب يتراجع عن قراره باش ميزيدش من تأزم مئات الشركات اللي غتعاني بشكل كبير و اللي كانت معولة التعويل التام على عملية مرحبا باش تتجاوز الخناق اللي كتعيشوا .
➖مدينة غرناطة بوحدها غتخسر كتر من 3000 منصب شغل من جراء إقصائهم من هاد العملية .
➖إغناسيو لاندالوس رئيس بلدية الجزيرة الخضراء ، يصف إقصاء المغرب للموانئ الإسبانية من عملية مرحبا “بالكارثة” وكيأكد أنه غيكونوا ألاف و آلاف من المتضررين من منطقة هينداي إلى الجزيرة الخضراء .
➖مدينة موتريل الصغيرة غادي تخسر أزيد من 20 مليون أورو فهاد الإقصاء حيت كيعتابر موسم عبور المغاربة أهم نشاط إقتصادي موسمي .
هاد الإقصاء كيبين بأن المغرب غيتاجه لنوع آخر من الأزمة و هو تغيير معادلته الإقتصادية مع إسبانيا و أبرز المتغيرات حسب رؤيتي ، إتفاقية الصيد البحري ، الكوطة الخاصة بالشركات الإسبانية في الفوز بالصفقات العمومية بالمغرب ، و كذلك السياحة………و الأيام الجاية غتورينا كلشي .

المغرب قبل كلشي و لا غالب إلا الله

بقلم محمد سليم

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.